Press release
2024 жылғы 8-13 қаңтар аралығында Алматы қаласында мерейтойлық ХХ Халықаралық Жәутіков олимпиадасы (бұдан әрі–ХЖО) өтеді. Республикалық физика-математика мектебі мерейтойлық олимпиаданы өткізу жауапкершілігін мақтанышпен қабылдайды. Олимпиада үш жыл қатарынан онлайн форматта өткізіліп, оффлайн кезеңге қайта ауысып жатқандықтан, бәріміз үшін ерекше сәт болмақ.
ХЖО мамандандырылған физика-математика мектептері арасында үш пән бойынша конкурс өткізу арқылы өзінің бірегейлігін сақтауды жалғастыруда. Бұл оны басқа халықаралық олимпиадалардан ерекшелендіреді және жастардың интеллектуалдық әлеуетін дамыту үшін осы ғылыми пәндердің маңыздылығын көрсетеді.
Биыл олимпиадаға Қазақстан, Әзірбайжан, Армения, Беларусь, Ресей, Қырғызстан, Өзбекстан, Болгария, Тәжікстан, Моңғолия, Грузия, Сербия, Үндістан және Румыния сынды 15 елден 85 команда, 600-ге жуық оқушы қатысады.
Олимпиаданың мақсаты мен міндеттері – дарынды оқушыларды анықтау, оларды интеллектуалдық тұрғыдан одан әрі дамыту және кәсіби бағдарлау үшін жағдай жасау, оқушылар арасында физика-математика және IT білімдерін тарату және насихаттау, сондай-ақ басқа елдердің физика-математика мектептерімен халықаралық ынтымақтастықты дамыту.
2024 жылы 8 қаңтар мен 13 қаңтарда заманауи қалалық мәдениет пен қонақжайлылықтың символына айналған Almaty Theatre-да ХХ ХЖО-ның ашылу және жабылу салтанатты рәсімдері өтеді.
Республикалық физика-математика мектебі осы іс-шараның сәтті өтуіне үлкен үлес қосқан сенімді серіктестері мен демеушілеріне, соның ішінде Қазақстан Республикасы Оқу-ағарту министрлігі, олимпиаданың бас демеушісі Lancaster group, Freedom Finance, корпоративтік демеушілер Алматы қ. әкімдігі, Almaty Theatre, ресми демеушілер Fizmat Endowment Fund, ADD Invest Properties, TAS Group, “Аssyltas” қоғамдық қоры және олимпиада серіктестері «Дарын» РҒПО, Nurlan Kapparov Foundation және Lenovo, AvtoPark, SKILL MATRIX, UMAG, Zapis.kz компанияларына үлкен алғысын білдіреді.
Қосымша ақпарат алу үшін хабарласыңыз:
КеАҚ РФММ баспасөз хатшысы
Қожабек Салтанат Қайратқызы +7 707 405 89 25
Олимпиаданың ресми сайты: www.izho.kz